طريقة عمل كبسة دجاج


المكوّنات
دجاجه مقطعة ومسلوقة بالماء مع ملح وهيل وورق غار ولومي وعود قرفة
كيلو ارز بسمتي حبة طويلة منقوع ومصفى
1 حبة فليفلة حمراء مقطعة
1 حبة فليفلة خضراء حلوة مقطعة
1 حبة فليفلة صفراء مقطعة
0.5 قرن فليلفة حار
حبتين بندورة مقطعة مربعات
ملعقتين كبار نعنع مفروم
ملعقتين كبار معجون بندورة
حبة بصل كبيرة
فصين توم كبار
ملعقتين كبار بهار كبسة
0.5 ملعقة ك كركم
طريقة التحضير
نقطع البصلة والتوم ونحوسها في طنجرة تيفال مع ملعقة ك سمنة وملعقتين ك زيت زيتون حتى تذبل البصلة ، نضيف الفليفلة المقطعة كل الالوان ونحركها بعد تلات دقائق نضيف البندورة المقطعة وملعقه صغيرة ملح وملعقة ك بهار كبسة ونتركها حتى تذبل الخضروات على نار هادئة ثم نضيف النعنع المفروم ورب البندورة مع نصف كاس ماء ونتركها خمس دقائق على نار هادئة

نتبل الارز بقليل من الملح وملعقة ك بهار كبسة والكركم ونضعه فوق خلطة الخضروات بالطنجرة ، نحرك الارز مع الخضروات ونضيف مرق الدجاج نغمر الارز مقدار 2 -3 سم نتركها تغلي ثم نهدىء الغاز ونغطيها.. حتى تنضج ، ممكن اضافه مرق حسب الحاجة ونوع الارز ، بمكانكم ضبط المرق والملح ايضا 👍

نحمر الدجاج المسلوق بالفرن ونضعه على وجه الكبسة ونزين باللوز المقلي والبقدونس المفروم وصحة و هنا. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *