راحة الحجاج الحلبية

 

الطريقة:
أول شي ساوي هالخطوات مشان ترتاحي وأنت عم تشتغلي وما تعجئي حالك
*بتحمصي الفستق الحلبي الكمية يلي بدك ياها وبس يتحمص بتطفي الغاز وبتحطي معلقة صغيرة زبدة وبتحركين وبتتركين عجنب
*بتطحني معلقتين صغار مسكة دراس مع معلقتين صغار سكر وبتتركين عجنب
*بتجهزي كياس سميكه أو مشمع نايلون سميك مشان ما يسيخ من حرارة الراحه بتدهنين زيت مازولا
*بتدوبي كاستين نشا مع كاستين مي وبتتركين عجنب هلأ ملاحظة لازم تستخدمي نفس الكاسة لكل المقادير
الطريقة بالتفصيل:
بتحطي بطنجرة أربع كاسات سكر وأربع كاسات مي وبتحركين وبتحطين عالغاز عنار عالية وبتضلك عم تحركي بالمضرب الحديد وبس يغلو بتحطي عليهن نص معلقة صغيرة ملح الليمون لاتكتري مشان ما تحمض وراهن منحط النشا يلي دوبناه منزلن بشكل خيط مع التحريك ما منوقف أبدا هلأ نوصي الغاز وحطي كمان نص معلقة صغيرة ملح الليمون انتبهي ماتكتري مشان ماتخربي الراحه هلأ بس يصير الخليط كثيف حنحرك بمعلقة خشب منحرك عشكل دائري مع عقارب الساعة والأشط من الوسط هيك حتكون طريقة التحريك لآخر مرحلة حركي ربع ساعة بعد هالربع ساعة منحط 3 كاسات سكر على مراحل يعني منحط أول كاسة ومنحرك ليدوب السكر والتانيه كمان ليدوب السكر وبعدي منحط التالته هيك منضل عم نحرك نص ساعه هلأ منحط فوقن المسكة يلي طحناها ومنحرك عشر دقايق وبعدين منحط معلقتين كبار ماء الورد ومنحرك خمس دقايق هلأ منساوي اختبار للراحه إذا صارت ولا لسا مناخد بمعلقة صغيرة شوي من الخليط ومنحاول نزلها من المعلقه لازم ماتنزل هيك بتكون استوت وإذا نزلت بسرعة بيكون لسا بدها وقت عالغاز وبس تستوي منطفي الغاز ومنحط الفستق يلي حمصنا ومنحركن بعدين منكتن فوق الأكياس يلي جهزناها ومنصير نحاول نبرده مناخد طراف الكياس ونعجنها لتبرد مو بإيدك مشان ما تحترقي بس تبرد شوي بتلفيها رول وبتتركيها لتبرد بعد 3 ساعات بتدهنيها كلها نشا وبتدهني السكين وبتقطعيها وبس صحتين وهنا
أيا استفسار أنا جاهزه هي سهلة بس طريقة شرحها طويله مشان تظبط معكن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *