شيشبرك وسمبوسك لحمة و عم يئرش

11889484_508383589332690_4254185105329177660_n
عجينة السمبوسك نفسها عجينة الشيشبرك
طحين ومي ورشة ملح و شويّة زيت نباتي وانا من عندي حطيت معلقة صغيرة زبدة وعجنتها منيح وارتاحت نص ساعة مغلفة بعدين مديتها رقيقة لحتى تئرش عالقلي وبتحشيها كبابة مقلّاية مع بصلة ناعمة وملح وبهار
وضروري الحشوة تكون بحرارة المطبخ و مافيها سوائل

مية العجينة حسب الحاجة بدون مقدار حطي لحتى تتشكل معك عجينة طرية ما بتلزق

الشيشبرك بتعمل بنفس مبدأ السمبوسك بس بتسكري القطعة على شكل دائرة تقريبا منسميه شكل الشيشبرك بحلب على شكل “اذن” ههه
المهم بعدين بتحطيهن بصينية مدهونة بزيت خفيف ويفضل تيفال وبترشّي عليهن شويّة زيت نباتي وبتخبزيهن بالفرن ليتحمروا من الجهتين
بتكوني حطيتي
بالطنجرة لبن مع نشا بودرة لكل كيلو معلقة كبيرة نشا تقريبا بتخفقيهن مع بعض عالبارد و بتحطيه عالنار مع التحريك المستمر ليبلش يغلي اللبن خففي النار حطي الملح على ذوقك و ضيفي الشيشبرك المخبوزين فورا عاللبن
هلأ بمقلاية حطي معلقتين سمنة مع شويّة زيت نباتي وتوم مهروس الكمية حسب الذوق بس دقيقة بعدين حطي كزبرة ناشفة يفضل تكون مطحونة من جديد وحمصيها شوي مع التوم وفورا ضيفي أغلب الكمية عاللبن واتركي شوي لتزيين الطبق وصحتين

الوصفه خاصه بشيف Noso Mansour
عالم الوصفات 

اضف رد

لن يتم نشر البريد الإلكتروني . الحقول المطلوبة مشار لها بـ *

*