كيكة القرفة مع صلصة

10472088_726738267442224_8983005993473782354_n

10942451_726738360775548_826444197723982409_n 10405515_726738300775554_7304987252067453316_n

التوفي…………………………………………………………….كيكة القرفة بالتوفي من أطيب الكيكات اليومية ( وممكن تستفيدو من هالوصفة كأي كيكة سادة يومية وتستغني عن القرفة ومن وصفات الكيكات الناجحة والرائعة بس بنصحكم تجربوها مع القرفة لانه فعلا طعمتها مميزة بالكيك )……………………………………………………………………………………………..مقادير كيكة القرفة ( تحضير مدام نازلي ) : ٤ كوب طحين ابيض + نصف ملعقة صغيرة ملح + ٢ ملعقة كبيرة ممسوحة بكمبودر + ٢ ملعقة كبيرة قرفة + نصف كوب حليب بودرة + ٨ بيض حجم كبير + ٣ كوب سكر + كوب زيت نباتي + كوب ماء + ملعقتين صغار فانيلا سائلة او نصف ملعقة صغيرة فانيلا بودرة + ملعقة صغيرة خل ابيض + ملعقة كبيرة برش ليمون …….. ( nazly hamid hasan ) ………………..مقادير التوفي : كوب سكر ابيض + ٥٠ غرام زبدة ( ربع كوب ) + كوب كريما سائلة ( علبة وزنها ٢٥٠ مل ) او ممكن تستبدليها ب علبة قشطة بوك وزنها ٢٥٠ مل ………..nazly hamid hasan ………………………….الطريقة : ١ ) نسخن الفرن على حرارة ١٨٠ درجة مئوية ونثبت الرف الأوسط بالفرن ونشغل الفرن من الأسفل فقط ولازم يكون الفرن حامي قبل ما نخبز فيها الكيك بحوالي ٢٠ دقيقة وندهن قالب كيك دائري مفتوح من الوسط قياسه ٢٨ سم بالزبدة اللينة ونرشه طحين ثم نتخلص من الطحين الفائض ……………………………………….الخطوة : ٢ ) ننخل الطحين مع الملح والبكمبودر والقرفة والحليب المجفف ونضعها جانبا ……………………….الخطوة : ٣ ) نضع البيض مع الفانيلا والخل وبرش الليمون في وعاء خلاط الكاتو ونخفقها لمدة ٥ دقائق ثم نضيف اليها السكر على دفعات مع الاستمرار بالخفق لحتى تنتهي كمية السكر وبعدها منخفقها ١٠ دقائق لحتى يتغير لون البيض ويزداد حجمه ويدوب السكر وبعدها منضيف الزيت ونخفقها قليلا …………………….الخطوة : ٤ ) هلء منضيف عليها الطحين والماء على دفعات وبالتناوب وبعد كل اضافة نخفقها قليلا حتى يختفي الدقيق وعند اضافة الطحين الي خليط الكيك يجب عدم الفرط او المبالغة بالخفق اي نخفقها لحتى بس يختفي الطحين وبعد الانتهاء من اضافة كمية الطحين والماء على ٣ دفعات نخلطها قليلا وبذلك يصبح خليط الكيك جاهز للخبز بالفرن ……..الخطوة : ٥ ) نصب خليط الكيك في القالب المجهز مسبقا ونوزع الخليط بالقالب بشكل متساوي ويكون قوام خليط الكيك متوسط الليونة يعني لا سائل ولا جامد ومن ثم ندخلها الي الفرن الحامي مسبقا بتاخد حوالي ٦٠ دقيقة وبعد مرور ٥٠ دقيقة منختبر نضج الكيك بواسطة ادخال عود خشبي رفيع بوسط الكيك اذا شفتي انه العود خرج نظيف ولم يعلق عليه اي شي من خليط الكيك معناها الكيكة استويت وآخر ٥ دقائق ممكن تشعلي عليها الفرن من الأعلى لحتى السطح يتغير لونو قليلا اي يشير وبعدها منخره القالب من الفرن وبتتركيها حوالي ٢٠ دقيقة بالقالب ( وممكن خلال هالفترة تغطي القالب بصينيه اكبر منها وبهالطريقة الكيكة بتضل طرية بفضل البخار الموجود داخل الكيك ) وبعد مرور ١٥ او ٢٠ دقيقة بقلب الكيكة على طبق تقديم مناسب وبتتركيها تبرد تماماً وبعدها بتزينيها بالتوفي والجوز او ممكن تزيينها بسكر البودرة …………( nazly hamid hasan ) ……………….ملاحظات 1): انا استعملت الأكواب والملاعق العيارية بالوصفة اللي سعتها ٢٤٠ مل او اي كاسة شرب الماء بنفس الحجم ويجب ان تكون جميع مكونات الكيكة خارج البراد قبل ساعتين على الأقل من بدء الشغل بالكيك الكيكة ممكن تعتمديها كأي كيكة يومية جداً مقاديرها ناجحة وانا استعملت قالب قطره ٢٨ سم وإذا قالبك صغير اعملي نصف عيار وتخبزيها بقالب قطره ٢٤ سم Nazly Hamid Hassan………………………….طريقة تحضير التوفي : بطنجرة صغيرة منحط كاسة سكر مع ربع قالب زبدة اي ٥٠ غرام زبدة ومنحطها عالنار الهادئة ومنقلبها لحتى تشوفي انه لون السكر تغير وصار بني وبعدها ببلش السكر يدوب طبعا لازم هالفترة تكون عينك عليها وتلقبيها لحتى السكر ما يحترق وهالمرحلة بتاخد شوية وقت حتى لو شفتي انه بالأول السكر ما دأب لا تخافي اصبري عليها شوي رح تدوب هههه وبس شفتي انه السكر داب وصار لونو بني فاتح اي بني دهبي بتضيفي عليها كوب كريما سائلة وتبحركيها بسرعة عالنار وبس تغلي غلوة بترفعيها عالنار وهيك بتحصلي على أطيب توفي بدون مبالغة أطيب من التوفي الجاهز ( بس انا اليوم ما كان عندي كريما سائلة لذلك استعملت علبة قشطة بوك ٢٥٠ مل بدلا من الكريما السائله…………….
Nazly Hamid Hassan………………….ملاحظات 2): لعمل التوفي ممكن تعمليها باي طريقة معتمدة عندك او اذا عندك سكر بني رح تسهل عليكي الشغل اكتر من السكر الأبيض وما رح تاخد وقت طويل عالنار……………………..ملاحظات 3): انا استعملت بالوصفة حليب بودرة وكاسة ماء بحرارة المطبخ وفي حال عدم توفر حليب بودرة ممكن نستغني عنه وبهالحالة بتستعملي كاسة حليب سائل عوضا عن كاسة الماء وطبعا بالوصفة ممكن تقللي او تزودي كمية القرفة انا استعملت ملعقتين ممكن تستعملي لغاية ٣ ملاعق بهالوصفة بس انا اكتفيت فقط ب ملعقتين…………………..ملاحظة 4): ممكن انه نعمل كيكة القرفة بغير طريقة وهي انه ما نخلط الطحين مع القرفة وإنما منحط القرفة بين طبقات الكيك يعني منعمل خليط كيك ابيض وبعدها منخلط القرفة مع شوية سكر بني وممكن جوز مفروم ناعم ومنصب نصف خليط الكيك بالقالب وبعدها منوزع القرفة وبعدها خليط الكيك المتبقي وبعدها منخبزه وممكن انه نستبدل الماء بالحليب السائل او عصير برتقال او سفن اب………nazly hamid hasan ……. عيار كيكة القرفة بالتوفي ( لقالب قياسه ٢٤ سم ) : ٢ كوب طحين ابيض + ربع ملعقة صغيرة ملح + ملعقة كبيرة ممسوحة بكمبودر + ملعقة كبيرة قرفة + ربع كوب حليب مجفف + ٤ بيض حجم كبير + كوب ونصف سكر + نصف كوب زيت نباتي + نصف كوب ماء بدرجة حرارة المطبخ + ملعقة صغيرة فانيلا سائلة او ربع ملعقة صغيرة فانيلا بودرة + نصف ملعقة صغيرة خل

اضف رد

لن يتم نشر البريد الإلكتروني . الحقول المطلوبة مشار لها بـ *

*