الكبه لبنيه

14199221_286683425036434_4810581248162052731_n 14141677_286683371703106_8062029833113400556_n 14212644_286683355036441_8100798967576015503_n 14203251_286683331703110_4537733091280415031_n

كبه لبنيه:
بتنقعي كيلو برغل ناعم بمي سخنه لمدة نص ساعه.. بعدين بتضيفي عليهن بصله اربع اقسام شوي من باقة نعناع ملعقه كبيره ونص ملح ملعقه كبيره كمون فلفل اسمر حسب الرغبه بتطحنين على طاحونة اللحمه مره بعدين بتضيفي عليهن نص كيلو لحمه مطحونه بدون دهن وبتطحنيهن مرتين على الماكينه.. وانا اطحنهن حسيت البرغل ناشف شوي حطيت رشات خفيفه من المي وجربت اكور واحده بايدي واحفرها طلعت روووعه ما بتشقق(انا شخصيا من تجربتي بنصح تضيفي شوية طحين)لانه العجينه ع الحشي بتجنن بس المشكله كانت بالقلي تشققت حبات الكبه لهك نصحتك بالطحين.
بالنسبه للحشوه: بتحطي بصل مفروم ناعم تقريبا 4 حباات او اكتر حسب رغبتك بتذبليهن شوي مع زيت زيتون وزيت ذره بس تذبل البصله بتضيفي نص كيلو لحمه مفرومه وبتحطي ملعقه ملح ملعقه كمون ملعقه فلفل انجليزي وملعقه قرفه بتخلطيهن منيح وبتحطي مكسرات ممكن لوز شرحات محمص او صنوبر بتحطيهم بمصفاي ليتصفو من الزيت وبتحشي الكبه .. ممكن تسلقي الكبه بمي فيها مرقة جاج وممكن تقليهن..
اللبنيه:
كيلو لبن بتحطي تقريبا نص مقدار اللبن مي (نص كيلو مي) بتحركيهن منيح وبتضيفي ملعقتين كبار نشا وملح وملعقه مرقة جاج بتذوقي ازا ملحهن منيح وبتحركيهن ع النار ..
ممكن تفرمي تووم ناعم تقلي بزيت وسمنه ونعناع مفروم وتحطيهن ع اللبن.. بتسخني الزيت وبتحطي التوم ليتذبل وبتضيفي النعناع لثواني وبتطفي النار

اضف رد

لن يتم نشر البريد الإلكتروني . الحقول المطلوبة مشار لها بـ *

*