كور الدونات

14317334_1141830482551502_727770888871910730_n 14333597_1141830832551467_5248514517658483867_n 14358673_1141830792551471_4792179582697847911_n 14364867_1141831025884781_1345416968344450185_n 14370239_1141830569218160_133315295424447693_n

1 كوب دقيق منخول
1 معلقه ك لبن بودرة
1 كيس فانيلا
1 معلقه ك سكر
1 معلقه ص خميره
1 معلقه ك زبادى ولازم تكون بره الثلاجه
1 معلقه ك زبده طريه
نص معلقه ص بيكنج بودر
معلقه ص سكر لتنشيط الخميره
رشه ملح
ربع كوب لبن دافئ

الطريقه:- Tota Morad

اول حاجه نجيب كوبايه ونحط فيها ربع كوب لبن دافئ مع معلقه السكر الصغيره والبيكنج والخميره ونقلبهم ونغطيهم 10 دقايق هنلاقيهم عملو رغاوى كده جهزت

ننخل الدقيق ونضيف عليه اللبن البودره ورشه الملح والفانيلا ومعلقه ك سكر ونقلب كويس بعد كده ننزل الزبده ونقلب لحد مايكون الخليط شبه حبيبات الرمل بعدها نزود معلقه الزبادى ونكمل تقليب بعدها ننزل كوبايه اللبن بالخميره تدريجيا ونعجن لحد ماتلم معانا وممكن نزود رشه دقيق عشان تلم بس العجينه دى بتكون ملزقه شويه المهم لازم نعجنها مش اقل من 10 دقايق لحد ماتبقي ناعمه بعدها ننقلها فى بوله مدهونه زيت وندهن وشها زيت خفيف ونغطيها ونسيبها ساعه تخمر بعدها ناخد قطعه ونبتدى نحشيها وايت شوكلت او نوتيلا او حتى ساده ونرصهم فى ورق الكب كيك جوه القالب ونسيبهم 20 دقيقه كمان هنلاقيهم خمرو وملو الورق ندهن وشهم زبده سايحه وندخلهم فرن سخن على 200 لمده 20 دقيقه ولو حروفهم ابتدت تلون هنقفل من تحت ونفتح الشوايه دقيقتين يدوبك يخدو لون دهبي واول مايطلعو هندهنهم زبده وهما سخنين ونغطيهم ب اي صنيه ونزوقهم ب اي حاجه تحبوها زبده سايحه وننزلهم فى سكر او شوكولاته او ايسنج ال تحبوه وبالف هنا وشفا

اضف رد

لن يتم نشر البريد الإلكتروني . الحقول المطلوبة مشار لها بـ *

*