كيكه الجيلي

14232562_1134991183235432_2105074271595951480_n 14237524_1134991103235440_863387526162644555_n 14291625_1134991156568768_4232839093165760492_n 14322640_1134991056568778_1737130586885517922_n

1 ونص كوب دقيق
نص كوب سكر
نص كوب لبن
نص كوب زيت
2بيضه + 2 كيس فانيلا
1 معلقه ك بيكنج
1 معلقه خل
رشه ملح
ربع معلقه لون فوشيا بودره هتلاقوه عند اى عطار او محل خامات حلوانى

هنضرب كل المواد السايله مع البيض والفانيلا والخل والسكر فى الخلاط بعد هننزل بالخليط ده على الدقيق المنخول مع البيكنج ورشه الملح وربع معلقه اللون الفوشيا ونقلب بالمضرب اليدوي لحد مالدقيق كله يختفي بعد كده نصب الخليط فى صنيه مقاس 20 متبطنه سمنه ودقيق وندخل الصنيه فرن سخن 180 لمده نص ساعه

كده الكيكه استوت نركز بقي فى الخطوات ال جايه

هنشيل الكيكه بعد مابردت من الصنيه ونركنها على جنب هنغسل الصنيه كويس وهنكون مجهزين الجيلي البارد انا عملت 3 علب جيلي على 5 كوبايات ميه مغليه وسبتهم يبردو خالصص ….

هنبتدى نصب فى نفس صنيه الكيكه حوالى نص كوبايه من الجيلي وندخلها الفريزر تجمد واول ماتجمد هنحط فوقيها اى فاكهه تحبوها ونصب شويه جيلي كمان وندخلها تانى الفريزر تجمد بعد كده نطلعها ونجيب الكيكه بتاعتنا نقطعها 3 شرايح ونحط اول شريحه فوق الجيلي بالفاكهه ونسقيها جيلي كويس جدااا بعدها نحط طبقه كريمه وقطع موز وفوقيها شريحه الكيك التانيه ونسقيها برضو ونحشي كريمه وبعدها اخر شريحه كيك نسقيها وبعد كده ندخلها الثلاجه مش اقل من 6 ساعات
نيجي بقي للتقيله….. هنقلبها ازاااى
هنجيب الصنيه ال فيها التورته ونشغل عين البوتجاز ونمشي بالصنيه على عين البوتجاز من بعيييد يدوبك ثووووانى هنلاقيها ابتدت تتهز من الجناب ومش لزقه نمسي بقي بالله وهووووووب نقلبها فى طبق التقديم وبالف هنااا جربوها ومتخاوفش مش صعبه خالصصص

اضف رد

لن يتم نشر البريد الإلكتروني . الحقول المطلوبة مشار لها بـ *

*