شيش طاووق

14222114_1136663716401512_1337590371082512456_n 14316850_1136663799734837_7626436535191251277_n 14333212_1136663883068162_7402001652982848172_n

نص كيلو وراك مخليه ومقطعه مكعبات
1 بصله كبيره
1 علبه زبادي
2 معلقه ك زيت
1 معلقه ك صلصه
1 معلقه ك صويا صوص
1 معلقه ص مسطرده
3 معالق ك خل ابيض
بابريكا وبهارات فراخ وتوم وبصل بودره
ملح وفلفل
ربع كوب ميه

هنضرب كل مكوناات التتبيله مع بعض فى الخلاط وبعد كده نضيف الفراخ الشيش المتقطعه مكعبات ونسيبها فى التتبيله مش اقل من 5 ساعات وياريت لو من قبلها بيوم بعد كده نجيب اعواد الشوي ولازم تتنقع فى ميه سخنه لمده نص ساعه عشان متتحرقش فى الفرن ونبتدى نحط الخضار بالتبادل مع الشيش لحد مانخلص كل الكميه وندهن وشها زيت ونرصهم فى صاج او صنيه متبطنه بفويل ومدهونه زيت وندخلهم فرن سخن على 200 لمده تلت ساعه او لحد ماتلون وكل شويه نفتح وندهن الشيش بالفرشاه من الصوص ال بينزل وفى الاخر نولع فحمه ونغطي الصاج وبالف هنااااا

الارز بالخلطه:- Tota Morad

2 كوب ارز مصري مغسول ومصفي
2 معلقه ك سكر
1 معلقه ك ميه
شوربه مغليه
1 معلقه ك سمن
1 معلقه ص صلصه طماطم
1 معلقه ك بصل مبشور
ملح وفلفل وقرفه وقرنفل او كبيبه صيني

اول حاجه نجيب حله ونحط 2 معلقه سكر مع معلقه الميه واول مايتكرمله نحط السمن والبصل والصلصه ونخلى النار وسط ونقلب لمده 5 دقايق وفى اثناء التقليب ضيفي كل البهارات بعد كده نضيف الرز مع شويه زيت ونقلب دقيقتين بعد كده نضيف الشوربه او الميه المغليه ونغطي واول مايغلى كله كويس نهدى الناؤ خالصص ونسيبه يستوى براحته ونحمر فى طاسه فيها سمن اى مكسرات نحبها واخر حاجه الزبيب بيتحط ونقلب اول ماينفخ نقفل ونصفي السمنه مكان تحمير المكسرات ونقلبها على الرز بعد مااستوي وعلى الوش المكسرات وقت التقديم

اضف رد

لن يتم نشر البريد الإلكتروني . الحقول المطلوبة مشار لها بـ *

*