كعك الحليب

14671354_1808236932774860_2791174006995674236_n

4ونص كاسة طحين
كاسة سكر غير مطحون
نص كاسة نشا
معلقة صغيرة مليانة محلب
معلقة صغيرة مليانة فانيليا
معلقة صغيرة مليانة بيكنيج بودر
رشة ملح
بيضة
كاسة حليب سائل
كاسة زيت
المقادير كلها تعير بكاسة وحدة
الطريقة :
نضع في وعاء النواشف مع بعض(الطحين والبيكنيج بودر والملح والنشا والمحلب والفانيليا ).
نضع على الخلاط السكر والزيت والحليب السائل والبيضة ونخلطهم مع بعض ليدوب السكر تمام .
توضع السوائل فوق النواشف وتعجن العجينة جيدا لتصبح عجينة ناعمة وملساء وتترك لترتاح ساعة مو اقل من ساعة.
تقطع العجينة الى قطع صغيرة وتؤخذ قطعة ويضغط عليها براحة الكف والاصابع ثم تشكل على شكل اسطواني رفيعةكلما رفعتيها بتكون افضل ثم تلصق الاطراف ببعض حتى تعطي شكل كعك .
تصف بالصواني من غير دهن اي صينية ويفضل بصواني تيفال او يويوضع ورق زبدة في الصينية غير التيفال .
يحمى الفرن مسبقا وتدخل صينية الكعك على درجة حرارة 160 لمدة 7دقائق ثم نرفع درجة الحرارة الى 180ليستوي الكعك ويتحمر من تحت بعدها منطفي النارمن تحت ومنشغل عليهون ليتحمرو من فوق ثم يخرج الكعك من الفرن ويترك ليبرد تماما
حبيت اغير شكل وعملت قسم من العجينة كعك بحليب مغطى بالسمسم .
بعد تشكيل الكعك يدهن الكعك بالفرشاة بخليط من (بيضة .نقطة خل .رشة فانيليا. قليل من الحليب )ثم يرش الكعك بالسمسم او يغطس بصحن في سمسم ويصف بالصواني ويفضل تكون تيفال او صينيةفيها ورق زبدة حتى مايلزق بالصينية اثناء الشوي.
تحفظ بعلب حافظة لتبقى مدة اطول بنكتها وقرشتها.
ملاحظة :
الزيت والنشا بيعطي قرشة رائعةللكعك بالاضافة للبيض وان تواجد عندك 2حبة بيض يفضل وضعها مع مقدار العجينة واكيد بدك تزيدي شوية طحين لانو البيض يعتبر من السوائل.
بس تعجني العجينة رح تلزق بيدك وهاد دليل نجاحها بس اتركيها ترتاح ساعة ورح تصير عندك عجينة مابتلزق .
كل مارفعتي الكعكة اثناء التشكيل بيكون افضل ورح تطلع معك عما تقرش ولا تقولي نحيفة كتير الكعكة رح تنفخ بالفرن لانو فيها بيكنيج بودر.
لاترفعي درجة الحرارة فوق ال 180 كرمال يستوي قلب الكعكة واذا ما رققتيها او رفعتيها رح يعجن قلب الكعك .
بالمخابز بيحطو مادة النشادر كرمال تحافظ الكعك على القرشة لمدة اطول ولكن من باب الفائدة النشادر مادة مضرة للجسم بالاخص اذا كترت من شان هيك منكتفي بالنشا والزيت والبيض بيعطو قرشة رائعةللكعك ويفضل صنع الكعك بالبيت بكمية مو كبيرة بحيث مايطول اكتر من اسبوع .

اضف رد

لن يتم نشر البريد الإلكتروني . الحقول المطلوبة مشار لها بـ *

*