كيكة الشوكولا الالمانية

10422224_992817410788879_1818972481039858252_n 12376306_992817487455538_8508405868779543978_n 943959_992817520788868_1627043993242124366_n 12809563_992817557455531_6795416716537393921_n

والله المفروض الالمان يسموها كيكة الاحلام لانها كيكة غنية جدا بالشوكولا والقهوة والنكهات الاخرى فرجوني النشاط والحيوية ياحلوين

كيكة الشوكولا الالمانية German Chocolate Cake
150 غ شوكولا سوداء نوعية جيدة
2 وربع كوب طحين
3/4 كوب كاكاو خام
2 م ص بيكنغ باودر
نص م ص بيكنغ صودا
1 كوب قهوة فاترة سريعة الذوبان يعني م ك نسكافيه مدوبة بكأس ماء فاتر
1 كوب buter milk ان لم يتوفر كأس حليب منحط عليه م ك خل او م ك عصير ليمون ومنتركها 10 دقايق عجنب
280 غ زبدة بحرارة الغرفة
2كأس وربع سكر
5 بيضات كبار بحرارة الغرفة
ظرف فانيليا
الحشوة
كأس بيكان مفروم وهو نوع من انواع الجوز الامريكي ان لم يتوفر استخدمي الجوز العادي (عين الجمل )
كوب سكر
250 مل كريما الدسمة او حليب مبخر
3 صفار بيض
113 غ من الزبدة
ربع م ص ملح
2كوب ونص جوز هند فريش مبشور خشن ( انا جبت حبة جوز هند كسرتها وقشرتها وبشرتها طلعت عالوزن تمام طبعا لازم جوز هند خشن )
هلق اذا في فانيليا غامقة حطي م ص اما اذا بودرة 4 ظروف فانيليا من شان صفار البيض
الطريقة
مننخل المواد الجافة الطحين والكاكاو والبيكنغ باودر والصودا ومنحطن بصحن عجنب بعدها منحط بوعاء الخفق الزبدة والسكر ومنخفق خمس دقايق بعدها منزل البيض بيضة وراء بيضة ومنخفق خمس دقايق بعدها مندوب الشوكولا المرة بالمكرويف او عحمام مائي ومنزلها فوق خليط البيض وبعدها منوطي عيار خلاط الكيك عاوطى عيار حتى ما تتطاير علينا المكونات هلق ومنزل الطحين والحليب والقهوة بالتناوب لتخلص المكونات ومنقسم الخليط ع 3 قوالب متساوية ومنخبزن بالفرن المحمى مسبقا كل قالب بين ال20 ل 25 دقيقة بيكون استواء منختبر استوائه بخلة اسنان اذا طلعت ناشفة صار جاهز بهالاثناء ونحنا عم نخبز القوالب منطبخ الحشوة
بخلاط الكوكتيل منحط الزبدة وصفار البيض والفانيليا والسكر والملح والكريما ومنخفقن ليندمجو منيج منصبن بطنجرة ومنرفعن عالنار مع التحريك المستمر لحتى تغلي وتتقل بتصير عنا متل الكاسترد بس غلت دقيقتين وصار قوامها متل السحلب منزل جوز الهند والبيكان المفروم ومنحرك منيح ومنحطها بالبراد لتبرد وجوز الهند يشرب السائل المتبقي بعدها منحشي بين الطبقات والطبقة الي عالوش والف صحة وهنا

مطبخي للمأكولات الشرقية والعالمية مدام Neevin Dakak

اضف رد

لن يتم نشر البريد الإلكتروني . الحقول المطلوبة مشار لها بـ *

*