مربى اليقطين

4 كيلو يقطينة مقطعة بالشكل يلي بترغبوه
ومننحط 200 غ من الكلس بالمي في وعاء بلاستيك ويترك لمدة.ساعة حتى يرقد الكلس لتحت… . بعدين مناخد الماء الصافي بمكيال ومنضيفو ع اليقطينات ..
انا ساويتو المسا وتركتو لتاني يوم بالكلس مع التحريك.حتى يتغمر كلو… 
الصبح كبيت عنو المي وحطيت مي حلوة وضليت كل ساعة اكب عنو حتى تخلصت من طعمت الكلس .
هلأ عيارو 3 كيلو مي مع 3 كيلو سكر (هو لازم 4 مي مع 4 سكر مع 4 يقطين بس انا ما بحبو حلو كتير ) منحطن عالنار حتى يغلو ومنعصر نص ليمونة او نص ملعقة ملح الليمون منضيفن ومنتركن يغلو لمدة خمس دقايق وبعدين منضيف القرع المصفى ومنحرك… بالأول تركتن ع نار عالية وبعدين وسط،وتركتن يتعقدو مع التحريك المستمر اكيد… ضللو حوالي ساعتين ونص… .
#الاضافة هي بالأخير ملعقة شاي من اسانس المسكة وملعقتين عسل النحل بيعطو نكهة راااائعة…
هي طريقتي بالتفصيل مع تحياتي 😘

اضف رد

لن يتم نشر البريد الإلكتروني . الحقول المطلوبة مشار لها بـ *

*